西貢
胡志明市, 在越南嘅南部, 舊稱為"西貢", 令我諗起Miss Saigon 呢套歌劇, 套劇講咗啲越南嘅歷史, 同埋戰爭時嘅事, 而點解西貢會改名為"胡志明市"呢?
越南喺之前係有分"南越"和"北越", 於1965年打仗嗰陣, 美國軍係支援南越嗰邊, 而北越最終喺1975年嘅時候打贏咗南越, 當戰爭結束咗, 南越嘅西貢就被納為北越軍嘅保護之下, 咁對於美國來講, 當然叫做西貢落敗, 但係對於越南來講, 就叫做西貢解放!
而南北越統一咗, 為要紀念越南政權共產黨嘅主要建立人"胡志明", 所以將西貢改名為"胡志明市", 另外, 越南嘅銀紙上面更加印有胡志明嘅樣貌!
關於法國殖民地, 相信大概知道, 越南曾經係法國嘅殖民地, 於1885年開始, 法國就管治越南, 統治期都有60幾年, 差不多70年咁耐, 所以, 係而家嘅西貢市, 都會見到有好多法式古舊嘅建築物, 如果有興趣欣賞, 都會覺得啲建築物幾靚, 相反地, 就覺得幾悶!
No comments :
Post a Comment