超級市場
關於類似franchise 嘅超級市場, 暫時我所見嘅有CoOpMart 同埋 Fivimart, 而喺我哋屋企樓下, 就有其中一間, 都可以話方便! 而我覺得間超市算係幾細間, 好彩要有嘅嘢都會有, 我哋用開食開嘅牌子, 佢哋都有imported, 不過久唔久都會有缺貨情況, 好似我哋飲開嘅澳洲牛奶, 有時要等大概兩三個星期先有得買, 不過都唔算麻煩, 有其他嘅substitute!
不過我哋就唔可以好似以前咁, 一個星期只渣車去一次超級市場入貨, 而家我大概一個星期會去超市兩至三次啦! 所以嗰到嘅registers 幾乎都已經認得我, 由最初佢哋會對住我不停咁講越南文, 到而家佢哋只會嘗試用單字嘅英文同我講嘢, 佢哋會問我有無membership, 同埋要唔要delivery!
其實係超級市場買嘢, 最令我睇唔過眼嘅事係, 佢哋好多時都係將啲嘢亂咁入袋, 無將食物同日用品分類都唔係太重要, 但係最過份嘅係, 佢哋試過將我買嘅血淋淋嘅牛肉同埋啲蘋果入埋一袋, 又試過將厠所清潔劑放埋入朱古力餅乾嘅袋, 我暫時真係接受唔到佢哋hygiene 嘅常識! 我有試吓諗吓, 可能佢哋覺得啲蘋果洗吓咪食得嘛, 又或者佢哋根本未見過咩係厠所清潔劑, 又可能就係lazy求其咁做嘢, 又或者根本就係文化!
No comments :
Post a Comment