情意結

情意結

2011年11月14日下午1:42

外國生活十幾年, 記得當年大學畢業, 急不及待回香港工作,

工作過了一年後, 决定返回澳洲, 慶幸當初回過香港工作,

體驗過香港人嘅工作效率, 職場嘅個性, 做事嘅一貫作風,

如果從來無返過去香港工作嘅話, 相信心裡總會有點戚戚焉,

始終對香港有份說不出嘅情懷, 對香港人有份特別嘅好感!


有時會想想, 如果當年我選擇繼續留係香港工作, 繼續生活,

做到事業穩定, 有家庭, 有仔女, 會否有勇氣放低香港一切,

十年八載後, 先再次考慮搬回澳洲住, 似乎不是那麼容易,

好似我有些朋友, 每次係香港見面, 都會提到好想搬返澳洲,

不過一年推一年, 仍然停留係考慮嘅階段, 似乎都唔會搬!


未曾試過回香港長期工作嘅朋友, 反而有份情意結, 想返去!

有陣時人會對某些事情, 某些睇法, 有種莫明奇妙嘅執著,

對於某件物件, 甚至乎對某種食物, 都會有份特別嘅情意結,

細個嘅時候, 吃慣嘅零食, 到而家仍然會係我至愛嘅零食,

雖然零食口味越來越多, 款式變得新穎, 更有標榜如何健康,

不過, 對某種零食嘅偏好, 依然不變, 算是一種情意結吧!